ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 |
تنش نیایی سی کنج دلم یادگاری
هر کجا که سیل می کنم تو وام دیاری
اگر صد سال هنی دیر دم بمونی
اگر یادم نویی یادت می مونم
تفنگم لولش سیاه و قندانم طوسی
قطارم چرم پلنگ و دوربینم روسی
ار خدا عمری بیه نیله بمیرم
آسمون روشه می کم سی شو عروسیت
تیر برنو هر دمه جاش می زنه سوز
سراغی دم نمیری غمخوار دلسوز
تیر برنو سوختمه تا پشت سینه
دلکم ویرت میکه ریته ببینه
ا دوسه تو خوت دونی مه خاک پاتم
هر تیری دشمه بونه مه وا نهاتم
الهی هر کجا هیسی تن تو بلا با
سر و دستت علی بیره نگهدارت خدا با
دیشو د غمت اور تیام سا نمی کرد
هیچ که در شادینه و ریم وا نمی کرد
کاشکی د اول مهر تو ای مونس جونم
د ای کنج دل سوخته مه جا نمی کرد
چنی سخته خیالش د سرت با
ره دیر و درازی د ورت با
نه می تونم هنات بکم نه خوت میایی
نالکم رت سی فلک پس کی میایی
چی کموتر پر اشکسه
اشکسه بالم ناونم د دیری دوس چطور ننالم
دو تیام سیم عزیزن بیشتر د جونم
ار بهام یادشو نکم لال با زبونم
تموم لرسون زیر و رو کردم
همه رفیقون گن و خو کردم
همه یک و یک جا خوشون دارن
ولی هیچ کمشو معرفت تون نارن
خود دونی خدا دونه مه خاطرت هام
دردت و جونم که میای مه نوکرت بام
سلام کا برا یار قدیمی
رفیق چن ساله فره صمیمی
الان فکر کی نام کی مه کیه
تقصیرت نیه دنیا هریسه